काठमाडौं । नागरिक लगानी कोष(सीआईटी) ले गत आर्थिक वर्ष २०८० /०८१ को मुनाफाबाट बोनस शेयर घोषणा गरेको छ ।
कम्पनीले हाल कायम चुक्तापूँजीको कुल १४.७३६८ प्रतिशतका दरले लाभांश वितरण गर्ने घोषणा गरेको हो । जसमा १४ प्रतिशत बोनस शेयर रछ भने कर प्रयोजनका लागि ०.७३६८ प्रतिशत नगद लाभांश छ ।
गत असार ३२ गते बसेको कोषको सञ्चालक समितिको बैठकले सो दरमा लाभांश वितरण गर्ने घोषणा गरेको हो । नेपाल सरकार, अर्थमन्त्रालयबाट स्वीकृति भएपछि कम्पनीको आगामी वार्षिक साधारण सभाले पारित गरेपछि उक्त लाभांश शेयरधनीले पाउने छन् ।
कम्पनीले आर्थिक वर्ष २०७८(७९ को नाफाबाट शेयरधनीलाई २६.३२ प्रतिशत(करसहित) लाभांश दिएको थियो ।
