काठमाडौं । सहकारी संस्थाको बचत रकम दुरुपयोग सम्बन्धमा छानबिन गर्न बनेको संसदीय विशेष समितिको म्याद १५ दिन थप भएको छ । मंगलबार बसेको प्रतिनिधि सभा बैठकमा समितिका सभापति सुर्यबहादुर थापाले १५ दिन म्याद थपको प्रस्ताव राखेका थिए ।
उक्त प्रस्ताव सर्वसम्मतिले पारित भएको हो । १५ जेठमा गठन भएको उक्त संसदीय समितिको अवधि ३ महिनाका लागि तोकिएको थियो । पहिलो बैठक बसेको मितिले ३ महिना कायम हुने उक्त समयावधि आगामी भदौ २२ गते सकिँदै थियो ।
मंगलबारको बैठकमा समिति सभापति थापाले समितिले सार्वजनिक बिदाको दिन, कार्यालय समयबाहेक बिहान, बेलुका र मध्यरातिसम्म काम गरिरहेको जानकारी प्रतिनिधि सभा बैठकमा गराएका छन् ।
