काठमाडौं । अन्तराष्ट्रिय बजारमा सुनको मूल्य आज पनि बढेको छ । चीन र अमेरिकाबीचको व्यापार युद्धका विषयमा चासो बढेसँगै सुनको मूल्य निरन्तर उकालो लागिरहेको छ । बढ्दो तनावका बीच लगानीकर्ताले तुलनात्मक रुपमा सुरक्षित लगानीको रुपमा सुनमा लगानी बढाएका छन् ।
फलस्वरुप आज सुनको मूल्य ०.८२ प्रतिशत अर्थात प्रतिऔंस २३ डलरले बढेको छ । यो समाचार तयार पार्दासम्म सुनको मूल्य अन्तराष्ट्रिय बजारमा प्रतिऔंस २ हजार ८६५ डलरमा कारोबार भईरहेको छ ।
अमेरिकाले विभिन्न देशमाथि लगाएको भन्सार महशुलका कारण विश्वव्यापी व्यापार अनिश्चिनता बढेका कारण सुनको मूल्य प्रभावित भएको विश्लेषकहरुले बताएका छन् ।
