काठमाडौं । पृथ्वी राजमार्गका विभिन्न आठ सडक मार्ग अवरुद्ध रहेका छन् ।
नेपाल प्रहरीका अनुसार बेनिघाट रोराङ गाउँपालिका-७ कृष्णभीरमा दुईतर्फी सडक बन्द छ । यस्तै, सोही गाउँपालिकाको वडा-९ स्थित ज्यामिरेघाट पनि पहिरोका कारण अवरुद्ध छ ।
वडा-१०को तिङग्राङखानी र गजुरी गाउँपालिका ५ बांगेमोडमा दुईतर्फी सडक बन्द छ । यस्तै, बेनिघाट रोराङ-१० को ज्वाङखोलामा सडक चिरा परेको छ । उक्त गाउँपालिकाकाको शितलबजार-३ मा पहिरोले सडक अवरुद्ध रहेको प्रहरीले जनाएको छ ।
गजुरी गाउँपालिका-२ परेवाभीर पहिरोका कारण अवरुद्ध छ भने उक्त गाउँपालिका-२ को चालिसेमा एकतर्फी सडक बन्द छ ।
