काठमाडौं । पेरिस सेन्ट जर्मन (पिएसजी) ले युइएफए च्याम्पियन्स लिगमा पिएसभीलाई १-१ को बारबरीमा रोकेको छ ।
यो नतिजासँगै तीन खेलमा चार अंक जोडेको पिएसजी १७औं स्थानमा छ । पिएसभी समान खेलबाट दुई अंकका साथ २७औं स्थानमा छ ।
पेरिसस्थित पार्क डेस प्रिन्सेसमा मंगलबार भिएसभीका लागि नोआ लाङ्ग र पिएसजीका लागि अचरफ हाकिमीले गोल गरे ।
खेलको ३४औं मिनेटमा लाङ्गको गोलमार्फत पिएसभीले अग्रता लिएको थियो । ५५औं मिनेटमा हाकिमीले पिएसजीलाई बराबरीमा ल्याए । त्यसपछि थप गोल निस्कन नसक्दा दुवै टोली अंक बाँड्न बाध्य बने ।
लिगअन्तर्गत मंगलबारै सम्पन्न अन्य खेलमा मोनाकोले क्रिभिना जेभजदालाई ५-१, एसी मिलानले क्लब बर्गलाई ३-१ र स्टुटगार्टले युभेन्टसलाई १-० ले पराजित गरे ।
