काठमाडौं । लिग लिडर रियाल मड्रिड स्पेनिस ला लिगामा शनिबार इस्पान्योलसँग १-० ले पराजित भएको छ ।
जितसँगै २२ खेलमा २३ अंक जोड्दै १७औं स्थानमा उक्लिएको इस्पान्योलले रेलिगेशन क्षेत्र छाडेको छ । पराजित रियालको समान खेलबाट ४९ अंक छ ।
आरसिडीइ रंगशालामा खेलको अन्त्य तिर कार्लोस रोमेरो गरेको एक मात्रै गोल घरेलु टोली इस्पान्योललाई जित दिलाउन पर्याप्त बन्यो । उनले निर्धारित समय सकिन ५ मिनेट बाँकी रहँदा ओमर एल हिलालीको पासलाई पोस्टको दिशा दिएका थिए ।
