काठमाडौं । लास पाल्मसविरुद्ध २-० को सिहन जित दर्ता गर्दै बार्सिलानो स्पेनिस ला लिगाको शीर्ष स्थानमा उक्लिएको छ ।
जितसँगै बार्सिलोनाले २५ खेलमा ५४ अंक जोडेको छ । यो दोस्रो स्थानको एट्लेटिको मड्रिडको भन्दा एक अंक बढि हो ।
पराजित लास पाल्मस समान खेलबाट २३ अंकका साथ १७औं स्थानमा छ । ग्रान क्यानारियामा पाहुना टोली बार्सिलोनालाई जित दिलाउन ड्यानी ओल्मो र फेरान टोरेसले गोल गरे ।
खेलको ६२औं मिनेटमा ओल्मोको गोलमार्फत बार्सिलोनाले अग्रता लिएको थियो । इन्जुरी समयमा टोरेसले गोल गर्दै बार्सिलोनालाई सहज जित दिलाए ।
लिगअन्तर्गत शनिबारै सम्पन्न अन्य खेलमा एट्लेटिको मड्रिडले भ्यालेन्सियाविरुद्ध ३-० तथा भिल्ला रियालले रायो भायकानो तथा स्पान्योलले एलाभेसविरुद्ध समान १-० को जित निकाले ।
