काठमाडौं । अल नासरले साउदी प्रो लिगमा मंगलबार अल वेहदा एफसीविरुद्ध २-० को जित निकालेको छ ।
जितसँगै २२ खेलमा ४७ अंक जोडेको अल नासर तेस्रो स्थानमा उक्लिएको छ । पराजित अल वेहदा समान खेलबाट १३ अंकका साथ पुछारमा छ ।
किंग अब्दुल्लाह अजिज रंगशालामा पाहुना टोली अल नासरलाई जित दिलाउन कप्तान क्रिस्टियानो रोनाल्डो र साडियो मानेले गोल गरे । दुवै गोल दोस्रो हाफमा भएका थिए ।
खेलको ४८औं मिनेटमा रोनाल्डोले गोल गर्दै अल नासरलाई अग्रता दिलाएका थिए । उनले अब्दुल रहमान घरिबको पासलाई पोस्टको दिशा दिए ।
इन्जुरी समयमा मानेले पेनाल्टीमार्फत गोल गर्दै अल नसारको जित पक्का गरे ।
