काठमाडौं । इङ्लिस प्रिमियर लिगमा लिभरपुलले रोमाञ्चक खेलमा न्यूक्यासल युनाइटेडलाई ३–२ गोलले पराजित गरेको छ ।
गएराति सम्पन्न खेलको निर्णायक गोल इन्जुरी समयमा रियो एनगुमोहाले गरेका थिए । लिभरपुलका लागि यसअघि रयान ग्राभेनबर्च र हुगो एकिटिकेले एक–एक गोल गरेका थिए । उता, न्यूक्यासलका ब्रुनो गुइमाराएज र विलियम ओसुलाले गोल गर्दै खेललाई प्रतिस्पर्धात्मक बनाएका थिए ।
खेलको पहिलो हाफको अन्त्यतिर एन्थोनी गोर्डोनले रातो कार्ड पाएपछि न्यूक्यासल १० खेलाडीमा सीमित भएको थियो । यस जितसँगै लिभरपुलले लिगमा लगातार दोस्रो सफलता हात पारेको छ ।
दुई खेलबाट ६ अंक जोडेको लिभरपुल तालिकामा तेस्रो स्थानमा पुगेको छ । अर्कोतर्फ पहिलो खेल बराबरी खेलेको न्यूक्यासल दोस्रो खेलमा हार्दै सिजनको सुरुवात कमजोर गरेको छ ।
