काठमाडौं। नेपाली राष्ट्रिय फुटबल टिम आइतबार ताजिकिस्तान प्रस्थान गर्दैछ । दुई मैत्रीपूर्ण खेलमा प्रतिस्पर्धा गर्नको लागि नेपाली राष्ट्रिय फुटबल टिम ताजिकिस्तान जान लागेको हो ।
जहाँ नेपालले घरेलु टिम ताजिकिस्तान र अफगानिस्तनविरुद्ध खेल्दैछ ।
अखिल नेपाल फुटबल संघ (एन्फा) का अध्यक्ष पंकजविक्रम नेम्बाङ, महासचिव किरण राईले राष्ट्रिय टिमका कप्तान किरण चेम्जोङ र मुख्य प्रशिक्षक नवीन न्यौपानेलाई राष्ट्रिय झण्डा हस्तान्तरण गर्दै ताजिकिस्तान जाने नेपाली टिमलाई शनिबार विदा गरेका छन् ।
नेपाली पुरुष टिमले सामना गर्न लागेका दुवै टिम माथिल्लो स्तरका हुन् र दुवै प्रतिस्पर्धी फिफा वरीयतामा पनि नेपालभन्दा माथि छन् ।
नेपालले ताजिकिस्तानविरुद्ध कार्तिक २८ गते वुधबार प्रतिस्पर्धा गर्नेछ भने अफगानिस्तानविरुद्ध मंसिर १ गते शनिबार खेल्ने एन्फाले जनाएको छ ।
