काठमाडौं । नेपाल राष्ट्र बैंकका नवनियुक्त गभर्नर डा. विश्वनाथ पौडेल विरुद्ध सर्वोच्च अदालतमामा रिट निवेदन पेस भएको छ ।
गभर्नर पौडेल उक्त पदको लागि योग्य नभएको भन्दै नियुक्ति बदरको माग राख्दै अधिवक्ताहरू अनन्तराज लुईंटेल, प्रतिभा उप्रेती र विशाल थापाले रिट पेश गरेका हुन् ।
रिट निवेदकले सरकार र छनोट समितिलाई विपक्षी बनाएर ऐनको विरुद्धमा राजनीतिक स्वार्थको व्यक्तिलाई गैरकानुनी रुपमा नियुक्त गरिएको दाबी सहित शुक्रबार रिट पेस गरेका छन् ।
रिटका विषयमा अध्ययन भइरहेको र आवश्यक प्रक्रिया पूरा गरेपछि दर्ता हुने/नहुने निर्णय गर्ने सर्वोच्च प्रशासनले जनाएको छ ।
यसअघि गत ६ जेठमा राष्ट्रिय योजना आयोगका पूर्वउपाध्यक्ष डा. विश्वनाथ पौडेललाई मन्त्रिपरिषद् बैठकले गभर्नर नियुक्त गरेको थियो ।
