काठमाडौँ । नेपाल समाजवादी पार्टी (नेसपा) का सह–अध्यक्ष गंगानारायण श्रेष्ठ १० वर्षपछि नेकपा (माओवादी केन्द्र)मा फर्किएका छन् ।
लामो समय वामपन्थी राजनीतिमा सक्रिय रहेर २०७२ सालमा माओवादी परित्याग गरेका श्रेष्ठले सोमबार ललितपुरस्थित ग्वार्कोमा दुई पाटीबीच एकता सभा गरी माओवादीमा फर्किएका हुन् ।
उनले सचिवको जिम्मेवारी पाएका छन् ।
श्रेष्ठले राजनीतिक यात्रामा डा. बाबुराम भट्टराई निकट रहेर काम गरेका थिए । भट्टराईले थालेको वैकल्पिक नयाँ शक्ति अभियानलाई साथ दिन श्रेष्ठ माओवादी केन्द्रबाट बाहिरिएका थिए ।
