काठमाडौँ । त्रिभुवन विश्वविद्यालय शिक्षण अस्पताल (टिचिङ अस्पताल) महाराजगञ्जले १०० सय जना नर्स मागेको छ । अस्पतालले आज एक सूचना गर्दै करार सेवामा १०० जना नर्स भर्ना गर्न लागेको जनाएको ।
अस्पतालको आन्तरिक स्रोतबाट तलब भत्ता उपलब्ध गराउने गरी रिक्त अस्थायी दरबन्दीमा यो भर्ना प्रक्रिया अगाडि बढाएको सूचनामा उल्लेख गरिएको छ ।
इच्छुक उम्मेदवारहरूले आगामी २५ जेठ देखि असार १ गते सम्म बेलुका ५ बजेसम्म आवेदन दिन सक्नेछन् । नर्सिङ विषयमा प्रमाणपत्र तह वा बिएस्सी नर्सिङ उत्तीर्ण गरेका योग्य व्यक्तिहरूले यो अवसरका लागि आवेदन दिन पाउने छन् ।
पुरुषको हकमा ४० वर्ष नकटेका र महिलाको हकमा ४५ वर्ष नकटेकाले आवेदन दिन पाउनेछन् ।
