काठमाडौँ । नेकपा एकीकृत समाजवादीको केन्द्रीय कमिटी बैठक ललितपुरको एक पार्टी प्यालेसमा आजदेखि सुरु भएको छ ।
तीनदिन सम्म चल्ने एकीकृत समाजवादीको बैठकको मुख्य बिषय पार्टीको विधान संशोधन र आगामी महाधिवेशन रहेको पार्टीले जनाएको छ ।
केन्द्रीय कमिटीको बैठकमा आगामी माघ १४ र १५ गते काठमाडौंमा हुन लागेको राष्ट्रिय सम्मेलनको बारेमा पनि छलफल हुनेछ ।
बैठकमा देशभर पार्टी सङ्गठनको अवस्था, पार्टीको आन्तरिक विवाद, समसामयिक परिस्थितिबारे पनि छलफल हुने साथै राष्ट्रिय सभा सदस्य निर्वाचनको उम्मेदवार छनोटबारे पनि छलफल हुने समाजवादीले जनाएको छ ।
यसका साथैराष्ट्रिय सभा सदस्यको निर्वाचन आगामी माघ ११ गतेका लागि तोकिएको छ ।
