काठमाडौँ । आज बसेको प्रतिनिधिसभा बैठकमा बहुविवाहलाई कानुनी वैधता दिने प्रस्तावित कानुनबारे सांसदहरुले कानुन न्याय तथा संसदीय व्यवस्थामन्त्री अजय चौरसियाको जवाफ माग गरेका छन् ।
प्रतिनिधिसभाको सोमबारको बैठकमा आकस्मिक समयमा नेकपा एमालेकी सचेतक सुनिता बराल र प्रमुख प्रतिपक्षी दल नेकपा माओवादी केन्द्रकी सचेतक रुपा शोशी चौधरीले प्रस्तावित कानुनमा के राख्न खोजिएको हो, सो को जवाफ दिन माग गरेका हुन् ।
हालै सार्वजनिक भएको मुलुकी देवानी (संहिता) ऐन, २०७४ लाई संशोधन गरी केही निश्चित परिस्थितिमा बहुविवाहलाई कानुनी वैधता दिने प्रस्तावित कानुनबारे चौतर्फी विरोध भएको छ ।
